katarantaduhan.com

Sino Ba Si Gerald?

Fri, 02 Sep 2005 07:02:10 +0000

SINO BA SI GERALD?

isang makata,
oo, tama ka!
ma-ramdamin,
ka-biguan,
ta-nga..

mahinang nilalang,
makasarili,
mahirap intindihin,
isang pagkakamali..

gusto nyo akong maging siya?
gusto nyo akong maging katulad nya?
hindi nyo ba tanggap kung ano ako?
o gusto nyo siya..

mabait sabi ng iba,
mapagbigay sabi nila,
sobra-sobra,
nagpapakatanga..

asan ang mga kakampi ko?
wala na..
kinuha sa'kin ang ilan,
ang iba, nilayo pa..

walang pangarap,
pa easy-easy lang,
kaya ang patutunguhan,
hindi nila alam..

hinahanap ko pa rin ang aking sarili,
baka makita ko sa tabi-tabi,
kailan kaya ako mabubuo?
kapag nilisan ko na ba ang mundong ito?

saan ako lulugar?
saan ako makikisiksik?
bakit ba ako naririto?
sa tingin nyo ba ginusto ko rin ito?

masaya kayo para sa akin,
bakit ako hindi masaya?
nasa akin na daw ang lahat,
bakit pakiramdam ko kulang pa?

kapag nawala ako,
maiiba ba ang ikot ng mundo?
baka sa pag-alis ko,
magkaroon ulit ng isang katulad ko..

malalim daw ang buhay,
nakakalunod daw ang mundo,
nasaan ba ang paraiso?
nasa palad, o nasa puso ko?

ako ito,
tao lang, hindi perpekto..
matanggap nyo naman sana,
kailanman, hindi ako magiging siya..

sino ba talaga si gerald?
kahit ako, hindi ko alam..
ang alam ko, naglalakbay pa rin siya,
hinahanap pa rin ang sarili niya..

Tunog Adik

Fri, 02 Sep 2005 07:00:43 +0000

TUNOG ADIK

Galit na naman si nanay,

Kasi nagising si tatay,

Dahil ng binuksan ko ang radyo,

Hindi sila nakasabay..

Ang hilig mo sa maiingay,

Ang hilig mo sa magulo,

Tamang hinala na naman sila,

Adik na ba ang anak ko..?!

Ilang ulit mang sabihin,

Napakahirap ipaintindi,

Na ang tunong adik para sa inyo,

Ay musika sa mga tenga ko..

Alam ko ang gusto mong ipabatid,

Nais ipasok sa utak kong makitid,

Itigil na ang katarantaduhan ko,

Nakakahiya ang inaasal mo..

Ano bang gusto mong mangyari?

Sa tingin mo ba, ako’y nagkamali?

Kaya nga naimbento ang salitang kalayaan,

Para ang mundo’y magkaroon ng kaligayahan..

Wag sanang husgahan ng maaga,

Ang nais nyo’y wag sa amin idikta,

Kapag maingay ba ang tugtugan,

Kami ba’y ADIK na talaga..?

Huling Pagkakataon

Fri, 02 Sep 2005 07:00:08 +0000

HULING PAGKAKATAON

Ako’y natatakot

Sa mundong kinagisnan,

Tila ang ating tadhana’y

Lumilihis ng daan..

Kailan muling mauulit

Ang masasaya nating sandali?

Habang hawak mo ang kamay ko’t

Lumilipad sa himpapawid..

Pakiramdam ko’y laging ligtas

Sa anumang panganib,

Habang ika’y nasa aking tabi,

Labis na kaligayahan ang namamayani..

Buhay ko’y ipinagkatiwala sa’yo,

Dahil alam kong lagi mong hawak ang mga kamay ko,

Yakapin mo muli ako ng mahigpit,

Pagkat ang mga sandaling ito’y malabo ng maulit..

BABY KRINASIA CAITLYN

Fri, 02 Sep 2005 06:59:25 +0000

BABY KRINASIA CAITLYN

Patawad munting Anghel,

Kung hindi mo nasilayan ang mundong ito,

Kung hindi mo naranasan ang halik at yakap,

Ng mga taong nagmamahal sa’yo..

Ikaw nga’y ipinagkaloob sa amin,

Ngunit saglit lang at ika’y binawing muli,

Siyam na buwan ang aming hinintay,

Ngunit ika’y binawian agad ng buhay..

Hindi man lang namin narinig,

Ang kauna-unahan mong pag-iyak,

Hindi man lang namin naranasan,

Ang ihahandog mo sanang kaligayahan..

Hindi ka namin malilimutan,

Ang unang Anghel sana ng barkada,

Baunin mo ang aming panalangin,

Paalam muli, munting Kerubin..

Kaya Ko Na? O Kaya Ko Pa?

Fri, 02 Sep 2005 06:58:34 +0000

KAYA KO NA? O KAYA KO PA?

Hindi ko maintindihan ang nararamdaman,

Ng ika’y muli kong nasilayan,

Parang kaya ko nang ibigay ang kapatawaran,

At handa na muling masaktan..

Pag-ibig na ba ang nais kong simulan?

O dala lang ito ng matinding kapanabikan?

Hindi makapaniwalang ika’y muling naririto,

Parang dininig ng Diyos ang tanging dalangin ko..

Sinabi sa sarili na kakayanin ko ang lahat,

Hindi na hahayaang sa tamang landas ay sumalungat,

Kaya ko na bang umibig na hindi nagtatago sa likod ng iyong anino?

O hahayaan pa rin ang puso kong patuloy na naghihintay sa’yo..

Parang hindi ko makakayanang magsimulang muli,

Pagkat sa puso ko’y ikaw pa rin ang namamayani,

Ilang beses ko mang sabihing ayoko na,

Puso ko pa rin ang nagsasabing MAHAL PA RIN KITA..

Ayoko Na

Fri, 02 Sep 2005 06:57:43 +0000

AYOKO NA

Mas mahaba ngayon ang gabi sa araw,

Kasing haba ng panahong ako’y nag-iisa.

Katulad rin ng tubig na umaagos sa karagatan,

Ligaya ko’y pupunta rin sa malalim na kalungkutan..

Maayos naman ang pagdating ko sa mundo,

Ako lang siguro ang nagpapagulo dito..

Sa paglisan dito’y lubhang napakahirap,

Pagkat ligayang hanap ay sadyang mailap..

Akyat-baba ako sa pedestal ng buhay,

Ngunit hindi pa rin kita nakikita sa aking paglalakbay,

Mabilis ang mga pagbabagong nagaganap,

Pero mabago man ang lahat,

Ikaw pa rin ang siyang hanap..

Ayoko nang mag-isa, ayoko nang lumuha,

Ayoko nang pumikit at mangarap pa,

Ayoko na ng buhay na hindi ka kasama,

Ayoko na ng lahat, ayoko na..

Lungkot

Fri, 02 Sep 2005 06:57:08 +0000

LUNGKOT

Mag-isa na naman ako’t hindi makatulog,

Pagkat ang isip ko’y merong gumugulo.

Bigat ng kalooba’y hindi pa rin naaalis,

Puso kong ito’y meron pa ring hinagpis.

Tama ba ang ginawa kong paglayo?

At piliting umiwas sa iyong mundo?

Ganoon ba talaga ako kasakim?

Masyadong iniisip ang mapupunta sak’n..

Dapat lang sak’n na ito’y maranasan,

Ang malugmok sa walang hanggang kalungkutan.

Pinasok ko ang larong hindi ko naman alam,

Kaya sa mga tanong ko’y wala pa ring kasagutan.

Gusto kong abutin ang iyong kamay

Sa tuwing ika’y nahihirapan.

Pero alam kong sa puso mo’y

Hindi mo ako kailangan..

Nais kong pawiin ang mga luhang

Dumadaloy sa iyong pisngi.

Pero ang mga luhang ito’y

Dala ng aking pagkakamali..

Tunay ngang hindi mo mababatid ang halaga ng isang bagay,

Hangga’t hindi siya nawawala sa iyong mga kamay.

Tunay ring nasa huli ang pagsisisi,

Kaya ikaw ngayo’y wala sa’king tabi..

Kung nasabi ko lang sa’yo ang laman ng puso ko,

Edi sana, hindi ako nahihirapan ng ganito.

Hindi man ako ang iyong piliin na makasama mo,

Masaya na rin ako..

Basta masabi ko lang sa’yo, na mahal kang totoo..

Can I Be?

Fri, 02 Sep 2005 06:56:18 +0000

CAN I BE?

I have a big question, mark in my head.

Thinking that many things are left unsaid.

Nobody’s there to understand me,

Not realizing that I can also make them happy..

Ingesting the wrong side of the world,

A world that we cannot be heard,

A world where ideas are locked in a box,

And discrimination are always on top..

Is there a way to make our souls fly?

And taste the freedom from way up high,

When will be our voices be heard?

To let them know that I’m also a part of their world..

Nalilito

Fri, 02 Sep 2005 06:52:36 +0000

NALILITO

Hindi ko alam kung bakit,

Hindi ko alam kung paano,

Makakayanan ko pa ba?

Nahihirapan na ako..

Ayokong manloko,

Ayokong mabigo,

Ayokong masaktan,

Lalong ayoko ng ganyan..

Mas gusto ko pang umibig,

Kaysa ako’y ibigin,

Ako’y minamahal nya,

Sak’n naman ay iba..

Gusto kong lumayo,

Gusto kong mag-isa,

Kalimutan ang lahat,

Magsimula ulit sa una..

Kailangan kita,

Ako ba’y kailangan mo rin?

Handa akong iwan ang lahat,

Para lang sa’yo..

Anong aking gagawin?

Ako’y litung-lito,

Baka sa muling pagbukas ng mata ko,

Wala ka na sa tabi ko..

Magbalik Ka Sana

Fri, 02 Sep 2005 06:51:57 +0000

MAGBALIK KA SANA

Masdan mo ang kalangitan,

Nababalutan ang ulap ng kadiliman,

Nagbabadyang magsaboy ng kalungkutan,

Sa mundong puno ng kasakiman..

Saluhin mo ang mga luhang papatak,

Mula sa langit na umiiyak,

Pakalmahin ang alon sa karagatan,

Hinagpis na dala’y hindi mapigilan..

Isang unos na naman ang darating,

Paano ko makakayanan kung hindi ka kapiling?

Simula ng umalis ka’t ako’y nilisan mo,

Ang buhos ng ulan ay hindi na humihinto..

Kelan muling masisilayan ang Haring Araw?

Tila ang kaligayaha’y hindi ko na matanaw,

Pati mga bitui’y unti-unting lumalayo,

Nawawalan na ng pag-asang tayo’y muling magtatagpo..

Umaapaw na ang ilog pati na ang mga lawa,

Pero sa aking tabi, ikaw pa rin ay wala,

Malakas ang hanging dala ng bagyo,

Umaasang maisip mong ako’y naghihintay sa’yo..

Dumating sana ang panahong ako’y maisip mo,

At maisipang bumalik muli sa piling ko,

Magawi ka man sa lugar kung saan mo ako iniwan,

Maghihintay pa rin ako dun para iyong balikan..